Antwerps liedboek

96 Een oudt liedeken

1
IC sie die morgen sterre
Mijns lieuekens claer aenschijn
Men salse wecken met sange
die alder liefste mijn

2
Wie ist die daer singhet
Ende mi niet slapen en laet
Hi sal zijn singhen laten
Voorwaer segge ic hem dat

3
Dat ben ic ridder coene
Een ridder wel ghemeyt
Wanneer suldijs mi loonen
Alle mijn sanghes arbeyt

4
Coemt noch tauont spade.
Al voor mijns vaders hof.

[fol. 55v]

 

Al daer sal icx v loonen

 

En segt daer niemant af

 

 

 

5

 

Den dach die nam een eynde

 

die ionghelinc quam al daer

 

Met sinen blancken armen

 

Woude hijse ombeuaen

 

 

 

6

 

Nv staet ioncheer stille

 

En rijdt mi niet te na

 

Ick moet noch eerste weten

 

Wat loon ic soude ontfaen.

 

 

 

7

 

Bergen ende lant schoon ioncfrouwe

 

Sal v vrij eygen zijn.

 

Ende bouen alle die daer leuen

 

Saldi die alderliefste zijn

 

 

 

8

 

Sal ic bouen alle ioncfrouwen

 

Dijn alder liefste zijn

 

So suldy ridder coene

 

Mijns lijfs geweldich zijn

 

 

 

9

 

Si namen daer malcander.

 

si ghinghen eenen ganck. |

 

Al onder een lindeken groene.

 

die nachtegael daer op sanc

 

 

 

10

 

Hi liet zijn mantel glijden

 

Beneden in dat gras

 

Om dat zijn vergulde sporen

 

Vanden douwe niet en souden werden nat

 

 

 

11

 

Daer lagen si twee verborgen

 

die lieue langhe nacht.

 

Vanden auont totten morghen

 

Tot dat scheen den lichten dach.