Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 66 Vanden ruyter wt Bosschayen. 1 HEt quam een ruyterken wt Bosscayen Ghister auont inden wijn Ou segt ou en salmen hier niet naien Ick hebbe geschuert mijn hemdekijn Noch hebbe ick eenen gulden fijn Die sal ic v meysken gaerne gheuen Wildy tauont mijn boelschap zijn So sal ick met v vrolijck zijn 2 Teghen den den wint come ick gheseylt | Als een dye scheeps hem niet en verstaet. Ghi en hebt gheen sinnekens aen mi geleyt. Mi dunct ghi hebt mijns lieuer verlaet Na dat nv aldus met mi gaet So wil ick maken een goet verdrach Een ander te kiesen is mijnen raet Adieu dien ick te minnen plach 3 Schutterkens die den boghe hantieren Coopen twee pesen tot haren boghe Breken si deen na tspeels manieren Si stellen een ander ten seluen toghe desghelijcx wil ick te doene poghen Want vrouwen sinnekens zijn als stof. Ghelijc den wint quaemdy mi aengheulogen Hier mede schoon lief neme ic oorlof 4 Och lieue ghesellen ick moet v claghen Ghi moet mi gheuen goeden raet Ick ben ghecomen in Venus plaghen Ic en weet wat mi te doene staet Mijn hope mijn troost mijn toeuerlaet [Folio 40r] [fol. 40r] Heeft mi begheuen ende seer onwaert Dies is mijn herteken so seer beswaert Mer tsop en is der koolen niet waert 5 Hi stelt zijn herteken in swaerder sorghen Die zijn sinnekens aen vroukens lecht Want hi hanget altijt sonder worghen Als een die strijt ende niet vecht Wient ick claghe ic hebbe onrecht Altijt so gaet si haren padt Si en heeft gheen sinnekens aen mi gheleyt Al blijue ick in drucke wat acht si dat 6 Die dit liedeken eerst heeft ghesongen Dat was een ruyterken van ghelde bloot En hadden ghedaen quade nijders tonghen. Hi lagghe zijn liefken in haren schoot Daer hi toe droech zijn liefde groot Die en mach hem gebueren tot gheender tijt Hi had hem geholpen wt zijnder noot Mer quade niders tongen geeft hi die wijt Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd