Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 65 Van mijn here van Lelidam 1 HEt was op eenen dijsendach Al inde sinxendaghen Dat graue Philips van Vlaenderlant Op hollant wilde varen 2 Hollant dat en meende hi niet Het was Brugghe die edel stede reyne. Mijn heeren blijt mi alle gader bi Ende ghi ruyters groot ende cleyne 3 Doen si bi der stede quamen Een mijle buyten der vesten Die Mechelaers trocken besiden af Si en wilden op Brugghe niet vechten 4 Mer doen si quamen by sinte Andries Al in die velden groene | Mijn heeren blijft mi alle gader bi Ghi ruyters stout ende coene. 5 Si ontwonden banieren ende standaert Al voor sinte Magdaleene Elck man si vier mannen waert Dit is hollont dat ick meene 6 Doen sprac mijn heere van Lelidam Heere wat wilt ghi maken daer gaet so menich frisch edel man. Te Brugghe al op die straten! 7 Och edel heere van Lelidam Hoe coemt ghi nv dus bloode doen ghi Parijs drieweruen wont Ghi en dedes niet so noode 8 Doen ick Parijs drieweruen wan dat dede ick in vroomen strije Mer ghi wilt die edel stadt van Brugghe Winnen met verraderije. 9 Doen si binnen die poorte quamen Processie quam hem te ghemoete [Folio 39r] [fol. 39r] dat cruyce spranc in vier quartieren Al voor des princen voeten 10 Och edel heere van Vlaenderlant hebt doch gode voor ooghen dat ghi Brugghe wilt paelgieren God en salts niet ghedooghen 11 Och edel heere van Lelidam Hoe coemt ghi nv dus bloode Doen ghi Parijs drie weruen wont Ghi en dedes niet so noode 12 Doen ic Parijs drie weruen wan. En was ic in gheenen noode Mer voorwaer so ben ick nv Die Brugghelingen sullen mi dooden 13 Men hale mi broot ende wijn Ende wilt mi drincken gheuen het sal mijn laetste maeltijt zijn Te Brugghe worde ick versleghen 14 Doen dranck mijn heere van Lelidam Hi beual hem seluen te gode | Mer eer den dach ten auont quam Was hi in grooten noode 15 Doen si bi die vrydaechs merct quamen Si moesten hem doen ghenieten Die pijckaerts spanden haer boghe snel Ende ghinghen so seer schieten 16 Die Brugghelingen brochten haer bussen voort Ende ghinghen doe seer schieten die pijckaerts spanden haer boghen snel dat hem wel mochte verdrieten 17 Men ghinck daer houwen ende slaen So seer bouen maten Si en constens ontrijden noch ontgaen Si moesten daer haer leuen laten 18 Lelidam riep ransoen ransoen. Laet mi mijn lijf behouden Ick sal mi in een schale weghen doen Ende al van fijnen goude. 19 Dijn siluer noch dijn roode gout En mach v al hier niet baten [Folio 39v] [fol. 39v] Lelidam al waert ghi noch so stout. Ghi sulter hier v leuen laten 20 Daer bleef die edel heere doot Verslegen al op die strate Noyt en quam hi in meerder noot God gheue zijn arme siele bate 21 Sinte Donaes in die kercke daer leyt hi begrauen Die edel heere van Lelidam God wil zijn siele lauen. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd