Antwerps liedboek

(2001)–Anoniem Antwerps liedboek– rechtenstatus


42 Een oudt liedeken 1 EEn ionck herteken goet van prijse Ghinck voor een ioncfrouwe staen. Hi seyde ioncfrouwe met goeden auijse Mochte icin uwen boomgaert gaen Ick soude vanden bladerkens plucken ende die rooskens laten staen Si seyde ionck heere dat is wel verstaen Mer ten sal also niet zijn daer en is maer een alleyn die van mijnen boomken reyn Plucken sal een bladekijn 2 Hi seyde wel ouer schoone ioncfrouwe Laet mi in uwen boomgaert gaen ende ic sal van die rooskens plucken Ende die bladerkens laten staen.
[Folio 24r]
Si seyde ionck here dat waer wel gedaen Mer ten mach also niet zijn Want daer een is mer een alleyn 3 Hi seyde wel ouer schoone ioncfrouwe En verrantwoordet niet so fel Ick hebbe veel berghen sien hoogher dalen Dan dat torreken datter neder daelt Si seyde ionck heere ick ghelooues wel Mer ten sal also niet zijn Daer en is mer een alleyn 4 Hi seyde wel ouer schoone ioncfrouwe Ick legghe mijn hooft in uwen schoot Moechdy mi nv gheen troost gheuen So blijue ic van trouwe doot Si seyde ionc heere ghi en hebt gheen noot Ghi verliest uwen tijt Daer en is mer een alleyn