Amoreuse liedekens

Een oudt Liedeken.
[Van lieve te dichten heb ick begonnen]

VAn lieve te dichten heb ick begonnen,
Al en ist oock niet openbaer,
Al woude ickt laten, ick en soude niet connen
De Minne van haer valt my te swaer.

Helpt God Heere wien sal ick claghen

Mijn ongeneughte mijn swaer verdriet,
Ick gae te niete van daghe te daghen,
Maer niemant en weet wat mijns geschiet.

Ick hebbe gemint, ick en twijffel niet,

En die my noch bedriegen sal,
Oorlof schoon Lief wy moeten scheyden,
Ten halven gekeert en doolt niet al.

Ist quaden wille oft quaedt insteken

Dat ick so ras vergeten moet zijn,
V Minne doet mijn herte breken,
Sy quelt my ter doodt toe dat dunckt my.

Heere Godt mocht ic den dagh noch leven

Dat zy my minde, ick haer niet,
So sou mijn herteken in vreughde leven,
Daer ick nu ben in swaer verdriet.

Die dit Liedeken eerstmael sanck

Dat was een Ruyter van herten fijn,
Mocht hy slapen in zijn liefs armen blanck
Vol vreughden waer dat herte zijn.