Amoreuse liedekens
(na 1613)–Anoniem Amoreuse liedekens–
AuteursrechtvrijOp de wijse: Reyn bloemken excellent.
TOt droefheyt zijn ghewent
Mijn Ieuchdelijcke sinnen,
Dus moet ick torment
Mijn leven gaen beginnen,
Krijgh ick geen troost voorwaer,
Verdwijnen moet ick claer
Al door den bant van minnen zwaer,
Sijn wesen coragieus
Die my eens plach te verblijden
Sijn sinnen amoreus
Die moet hy nu af snijden,
Van my door nijders fel
Sy maken ons twee lieven gants rebel.
In druck en swaer dangier
Moet ick tot alle uren,
En mijn leven alhier
Eylaes den doot besueren,
Maer 't is nu al ghedaen,
Ick ben met druck belaen
Maer een ander heeft het my ghedaen.
Al schijn ick bly van gheest
Bedroeft ben ick van binnen,
Bedruckt soo werd'ick meest
Berooft word' ick meest
Al door zijn wreetheyt quaet
Die my altijt versmaet,
Dus blijf ick van sinnen desperaet.
Mistroostich mach ick wel gaen
Gheen vreucht sal ick beerven,
Comt wilt my bystaen
Van rou moet ick sterven,
En dat door Venus brant
Gheboeyt met der liefden bant
Dus lief doet my doch nu bystant.
Adieu reyn Prince schoon
Int hert blijft ghy verheven,
Voorwaer ghy spant de Croon
| |
[pagina 125]
| |
Een ander moet ick aencleven
'Tis teghen natuer en danck
Ick blijf in u bedwanck
Ick moetet besterven
Lief duert dit lanck.
|
|