Amoreuse liedekens
(na 1613)–Anoniem Amoreuse liedekens–
Auteursrechtvrij
[pagina 74]
| |
En spreyt u Kapken nedere,
Het is soo schoone wedere,
Met u ben ick begaen.
Mijn alderbeste Kapken
Cost my soo menich pont,
Spreyde ick het op der Aerden,
Verdorven soude het werden,
In een soo corter stont.
De Vrijster in de deure stont,
De Vrijer quam daer ghegaen,
Hy gincker voor by spanceeren,
Ende oock seer triumpheeren,
Hy hadde zijn Kapken aen.
Hy seyde goeden avont Aelken,
Sy seyde goeden avont Ian,
Die goede Godt inden Troone,
Die wil u Kapken loonen
Dat ick maecht van u quaem.
En datstu maeghet van my quaemt,
Dat doet my nu wel spijt
Had ick mijn Kapken neder ghespreyt
En u soete lief daer op gheleyt
Soo en hoorde ick geen verwijt.
Ghy Princen die hier me omme gaen,
Soo gaerne hoort ghy dit Liet
En als ghy smorgens vroech op staet
En met u Lief spanceeren gaet,
Soo spaert u Kapken niet.
|
|