Amoreuse liedekens

Een out Liedeken.
[Het soude een fiere Margrietelijn]

HEt soude een fiere Margrietelijn
Gister avont spade
Met haer kanneken gaen om wijn,
Sy was daer toe beraden.

Wat vantse in haer weghen staen,

Eenen Ruyter stille,
Nu seght my fiere Margrietelijn
Doet nu mijnen wille, ja wille.

Uwen wille en doen ick niet,

Mijn moeder soude my schelden,
Storte ick den koele wijn
Alleyne soude ick hem gelden.

En sorght voor den koelen wijn niet,

Maer sorghet voor u selven,
De Waert is onser beyder vrient,
Hy sal ons noch wel borghen.

Hy namse in zijnen witten Arm

Heymelijck al stille,
Al in een duyster Camerkijn
Daer schafte hy doen sijnen wille.

's Nachts ontrent de midder nacht

Sy ginck haer kanneken soecken,
Daer lagh de Moyaert ende loegh,
Het staet daer t'enden mijn voeten.

Maer dat daer t'enden u voeten staet

Dat sal u noch wel berouwen,
Ick hebbe noch drie gebroeders stout
Die sullen u dat hooft af houwen.

Alle u drie ghebroeders stout

Die sette ick in mijn deyren,
Ick sal desen somer lanck

[p. 65]

 

Met Griecken houden mijn schreyen.

 

Ende hy nam een sneeu witte bant,

 

Hy stacken al in haer keele,

 

Hy schootse tot eender venster uyt,

 

Hy schootse al inde Dijle.

 

Teghen stroom quam sy ghedreven

 

Aen Sint Ians Capelle,

 

Dat sach soo menich fijn Edelman,

 

Soo menich jonck edel geselle, jae geselle.