Amoreuse liedekens

Een out Liedeken.
[Fortuyne wilt u keeren]

FOrtuyne wilt u keeren
En valt my niet soo suer,
Want ick blijve int verseeren,
Ick lijde swaer doleur,
Mijns Liefs rigeur
Dat valt my nu soo snel,
Verdraghen moet ick leeren
Door dese nijders opstel.

Rijck God wie sal ick klaghen

Meer dan die Liefste mijn,
Nu ende tot allen daghen
Sal ick u ghetrouwe zijn,
Stout ende fijn
Spijt die nijders over al
Sal ick u jonste draghen
Tot dat ick sterven sal.

Wanneer ick op haer dincke

Soo verandert al mijn bloet,
Ick soude haer geerne schincke
Mijn Lijf en al mijn goet,
In u behoet
Wilt danckelijck ontfaen
Laet in u herten vincken

[p. 50]

 

Ick en sal u niet ontgaen.

 

Adieu schoon Roose bloeme

 

Scheyden dat moet nu zijn,

 

Tot dat ick weder kome

 

Tot u de alderliefste mijn,

 

Tot dat ick weder keere,

 

Adieu Lief gratieus,

 

Adieu mijn Lief mijn eere

 

Die weerste is couragieus.

 

Schoon Lief zijt mijn ghetrouwe,

 

Ick en begeer anders niet,

 

Troost my of ick verflouwe

 

Als ghy my in lijden siet,

 

Hoort na mijn verdriet,

 

Als ick u niet spreken en mach,

 

Doet dat ick u aenschouwe,

 

Tot op een ander dagh.