Amoreuse liedekens

Een oudt Liedeken.
[Een Out man sprack een meysken an]

EEn Out man sprack een meysken an,
Schoon lief wildy beteren mijn verdriet
Neen ick, seyde sy lieve Ian
Van uwen Bier en dorst my niet,
'tIs beter dat ghy van my vliet
Ghy doet doch al verlooren pijn
Mijn Boelken moet een Ionck-man zijn.

Schoon Liefken ic soude my garen paren

Waert u belieft en nu ter tijt,
Spreeckt een oudt Quene van 't seventich Iaren
Out ende verrompelt als ghy zijt,
Aen u en is doch gheen profijt
Ghy en tapt niet dan verschaelde Wijn
Mijn Boelken moet een Ionck-man zijn.

O weerde suyver jeucht

Hert en sin hanghet al aen dy,
Stelt u te vreden oft ghy meucht,
Wy en dienen niet te samen, ick ende ghy,
Out en versleten dunckt ghy my
Wat sout ghy schrijven in mijn Francijn,
Mijn Boelken moet een Ionck-man zijn.

Schoon Lief wilt doch doen mijn advijs

Soo sal ick u maken van goede rijck,
Een Ionck-man staet bat in mijn verdriet
Ghelijck soeckt altijt zijn ghelijck,
Wat sout ghy deuchen op eenen tijt
Dan droncken te drincken als een Swijn,

[p. 37]

 

Ick mach wel klaghen mijn verdriet

 

Ick minne ende en worde niet ghemint,

 

Nu zwijcht seyde sy Leure-faes

 

Vrijt elders daer ghy troost ghewint,

 

Ick hebbe bemint een Ionghelingh

 

Mijn Herte verblijt in zijn Aenschijn

 

Mijn Boelken moet een Iongh-man zijn.