Dit waren Darius woorden voor sijnre doot eer dat hi sterf: Cap: xxix.
[A]Lexander na dien dat mi die auenture geseit heeft soe ist mi vergaen Ende het is mi nv ter tijt een troestelic dinck dat so groten en de soe machtigen heere als ghi sijt tot mijnder doot wesen sal Hier om bid ic v dat ghi mi eerlic ter aerden laet doen totter stat daer die coningen van Persen mijn vaders begrauen sijn. Ende ic bidde v dat ghi v gewaerdigen wilt tot mijnre wtuaert te wesen Ick beueel v oec Rogidimes mijn moeder ende mijn broeder Moatrus ende Darius minen zone Voort bid ict v dat ghi Roaxanes mijnre dochter tot eenen wiue wilt nemen Ander gesten hebben bescreuen dat Darius doot was eer hem alexander sach Ende doe Darius doot was soe bedreef alexander daer
Auteursrechtvrij