Een Aemstelredams amoureus lietboeck


Een nieu Amoreus Liedeken Schoon lief ghi sijt mijn troost alleyne Vercoren bouen al // vercoren etc. Ghy spijst Lijf ende Ziel ghemeyne, Hier in dit aertsche dal // hier in dit etc. Des nyders geschal, met haer lose treken, Sy beletten my mijn lief te spreken // sy beletten my mijn lief te spreecken, Dwelck ick my wel beclaghen sal. Schoon Lief wat sout my mogen baten Ter werelt menich pont // ter werelt etc. En ick v dan sou moghen laten, So waer ick gans deurwont, so waer etc
[pagina 144]
In v liefs roder mont, en is noyt bedroch beuonden // Dwelck ick v liefken wil oorconden // dwelck ic v liefken etc. Want ghy schoon lief die alderliefste zijt. Schriftuer schoon lief is uwen namen, Al wort ghy seer benijdt, al wort ghy etc. Te recht sou ic my moghen schamen Want ghy die liefste zijt, want ghy de. etc. Al sonder v bevrijdt, Wat ick ghaen beginnen Helpt mijn schoon lief den strijdt gewinnen Helpt mijn schoon lief den. etc. Schoon lief ghy hadt mijn wtuercoren, Al eer ick v vercoos // al eer ick u vercoos Ghy sacht mijn al eer ic was verloren Daer ic lach troosteloos, daer ic lach etc. En mijn wonden boos // hebt ghy schoon liefken al ghenesen // Met wijn en oly ghepresen // met wijn en oly ghepresen. Want ghi schoon liefken de alderliefste zijt.