Een Aemstelredams amoureus lietboeck

Een nieu Liedeken: Op die wijse, Rijck God hoe mach dat wesen.

Rijck God wie sal ick claghen,
Mijnen druck ende swaer verdriet
Hier en is niemant ten daghen,
Die my oock bystant biet
Dus lijdt mijn herte rouwe
Ende daer toe grote pijn
Lief dede ick v ontrouwe
So ware die schulden mijn.

Eens siaers stont int herte,
Van een reyn Vrouwelijc graen
Nu lide pijne ende smarte,
Om dat ick ben wt ghedaen
Van rou mijn ooghen leken,
En lijden groot verdriet
Ick sie ick ben versteken
Ick en weet die cause niet.

Niet trouwe Lief wilt hooren,
Altoos nae vrienden raet
Ick en bender niet toe gheboren
Om te comen in sulcken staet.
Mijn goeyken is te cleyne
Na v reyn Maechdelijn fijn,
Dus leyt mijn harteken in weyne
Om dat ick om tgoet ballinck zijn.

Och goet ghy doet mijn quelen,
Ende lijden groote pijn,
Ick ben noch een te veele
Daer ick willecoom[e] plach te zijn,

[p. 141]

 

Dus gha ick achter lande

 

Als een man desperaet,

 

Lieff dit duncke my wesen schande

 

Dattet goet voor die lieffde gaet.

 

 

 

Wat dinghe heb ick bedreuen,

 

Teghen v reyn Maechdeken soet

 

Dat ghy my wilt begheuen

 

En warpen onder de voet,

 

Dies moet mijn harte trueren

 

Ende lijden pijne groot,

 

Sou dit noch langher dueren,

 

Ick waer veel lieuer doot.

 

 

 

Al ben ick dus bedroghen,

 

Met v reyn Maechdelick zaet

 

En valschelijck beloghen,

 

Het compt by uwer daet

 

Sprack ick te naer v eere

 

Segt my dat Maechdeken coen,

 

Anders dan deucht en eere

 

Als ghy meucht v seluen doen.

 

 

 

Ten had my niet ghespeten

 

Al t'leet dat ghy my doet

 

Hat ghy my niet verweten,

 

Dat ick was te cleyn van goet

 

Daerom dat sal ick mencken,

 

Schoon lief die trouwe van dijn,

 

Ick salder noch langhe om dencken

 

Alst v vergheten sal zijn.

 

 

 

Oorloff reyn creatueren,

 

Die eens was de liefste mijn

 

Meyndy dat ick sal treuren,

 

Alst moet ghescheyden zijn

 

Och neen ick bloem verheuen,

 

Van v neem ick de keer

 

Al hebdy my dus begheuen,

 

Schoon Lieff men vinter meer.