Een Aemstelredams amoureus lietboeck

Een nieu Liedeken, Op die wijse: O Venus ient een swaer torment.

O clagen een paer // En suchten swaer
Met groter vaer // Mijn harte doorboren
Mijn Lief eerbaer, Dien ick voorwaer,
Bouen gout seer claer Had wtvercoren,
Valt mijn rebel, O Venus fel //
V wreet op stel, doet mijn gequel
Door dit bevel // blijf ick verlooren.

Der minnen cracht, Met groter macht
Compt mijn onsacht // Seer fel bestrijen
Al mijn ghedacht // Dach ende Nacht,
Heeft zy voorpacht // Tot allen tijen,
Sy is cortuees // Lustich en prues,

[p. 135]

 

Seer Amoreus // En gratieus,

 

Haer wesen heus // mijn Hart verblijen.

 

 

 

Haer ionge ieucht // Noyt meer ver vreucht

 

Sietmen in deucht // Lieflick floreren

 

t'Welck mijn verhuecht, met soet geneucht

 

En tHarte veucht // Om haer te eeren,

 

In swerlts troon // Spant zy die croon

 

Wel duysent doon // Crijch ick te loon

 

Sal ick die schoon // moeten ontberen.

 

 

 

Sal ick met schant // Des diamant,

 

Seer triumphant // Nu moeten laten

 

Venus playsant // Goddin vailgiant

 

Der minnen brant // mach ick wel haten.

 

Sy is certeyn // die Liefste greyn,

 

Dit mijn alleyn // Verheucht ghemeyn

 

O vrouwelic greyn // Coemt mi te baten.

 

 

 

Princesse fiet // Soet van manier,

 

Al mijn dangier // Doet ghy wech stake

 

V soet bestier // Vrouwelick rosier

 

Der minnen vier, Int hart doet blaecken

 

Met v eenpaer // Schoon Lief eerbaer

 

Hoop ick voorwaer // Sonder beswaer,

 

Mijn leuen claer, Teynde te maken.