Een Aemstelredams amoureus lietboeck


Een nieu Liedeken, Op die wijse: Den tijt is hier. Ick ben deurwont Al met Copidos stralen Heel onghesont Wie sal mijn gheuen raet V rooder Mont Daer ick niet aen sal falen In corter stont Wantet v luttel schaet Ick roep om baet Dies mijn toch nu verhoort Ghy zijt mijn troost en medecijn Daerom voldoet de bede mijn Duert minlijck accoort Int nieuwe Jaer nv voort. Niemant dan ghy En can mijn quael ghenesen Dat segt ick vry Dus compt mijn Lief ontrent Nyders gheschry Daer en wilt niet voor vreesen Maer brengt nu by V troost seer excelent Of heel gheschent Blijf ick tot deser tijdt Dat waer v leet dat weet ick claer Weest mijn ghetrou vergeten aer So wort mijn Hart verblijt Int nieuwe Jaer met vlijt. Gheen schoon samblant
[pagina 108]
Al wt gheueynsder harten Toont mijn Lief, want Dat zijn die Cruyden niet Maer abondant Verlicht mijn pijne smarten Biet mijn v hant Helpt mijn wt dit verdriet Troostbaricht ziet Op mijn v Dienaer trou So is my hart ghenesen wis Wantet wt alle vreesen is En ick v voor mijn Vrou Int Nyeuwe Iaer nu hou. Prince. Princesse reyn Bloem bouen alle wijuen In swerelts pleyn Gheen lieuer lief voorwaer Dan ghy alleyn V eyghen sal ick blijuen Ick segt certeyn In u weet ick gheen maer Want v naem claer Staet in mijn Jonck hart siet En is bequaem en Lieflijck Dies send ick v seer brieffelijck Dit Nieuwe Jaer liet Dwelck wt Liefden gheschiet.