Een Aemstelredams amoureus lietboeck

Een dans Liedeken, Op de wijse: ic breng mijn naeste gebuer een dronck.

Iuecht en duecht, mijn hert verhuecht
Altijt so moet ick trueren.
Troost my schoon lief alzo ghy muecht,
Laet my eens troost ghebueren,
Schoon lief v claer aenschijn
Ghy verhuecht dat herte mijn
Liefde te draghen is gheen pijn.

[p. 95]

 

Als liefd' met liefd' gheloont mach zijn.

 

 

 

Peinsen hopen suchten en trueren,

 

Heeft mijn hert bevangen

 

mach mijn geen troost van haer ghebueren

 

Na haer staet mijn verlangen

 

Voor haer koos ick gheen goet,

 

Dat doet haer edel bloet

 

Liefde te draghen is gheen pijn

 

Als liefde met liefde geloont mach zijn.

 

 

 

Mocht ickse aensien tot, alder tijt,

 

So waer ick ghans ghenesen

 

Haer wesen dunckt mijn een iolijt,

 

Si wert van mijn ghepresen

 

Haer lijf staet also net.

 

Wter maten wel gheset

 

Liefde te draghen is gheen pijn

 

Als liefde met liefde gheloont mach zijn.

 

 

 

Prince

 

 

 

Oorlof hier Princesse fier,

 

Mijn hert laet ick te pande

 

Weest mijn doch gracelick hier,

 

Als ick ben wten lande.

 

Schoon lief als ick peyns om dijn

 

So verhuecht dat herte mijn

 

Liefde te draghen en is gheen pijn

 

Als liefde met liefde gheloont mach zijn.