Een Aemstelredams amoureus lietboeck

Nieu Jaer liet: Op de wijse, Lief wtvercooren, Lief triumphant.

Van achtentachtich, Het nieuwe iaer
dat is warachtich, Heel wonderbaer
Diet can geloouen // Het sal gheschien
Dat blinde douen // Hooren noch sien
En tisser geseyt // Dat menige meyt
Sonder bescheyt // Sal na een vryer vlien.

Dus weest vry vrolijc, Ghi knaepkens eel
Oft bent ghy een molic // Tis euen veel
Men sal v vryen // Om tgroote goet
En oock somtijen, Om hooge moet
Dus hout v wat fris, Tgeluc onwis,
Waer datse doch is, Diet lach betalen moet

Wy consenteeren // De meysgens schu
Dat zijt met eeren, Gaet vragen nu
En mogen vryen // Wie dat haer lust
Wil hijt niet lijen // Dat sy hem cust
So blijft hy in schant, Die onachtbaer quant
En crijcht int lanc // Geen lief die by hem rust

Princesse schoone // Tis nu v beurt
schenct hem die crone, Daert hert om treurt
Het moet doch wesen // Datmen bemint
Dus wilt niet vresen // Wie eerst begint
Die liefste en eer // verachtmen niet meer
Maer maectse weer // An beyde sien blint