Een Aemstelredams amoureus lietboeck

Een nieu Liedeken, Op de wyse: die Mey moet wech na t'Somers.

Die lustelicke Mey is nu inden tijt,
Met zijnen groenen bladen,
Int lieflic anschouwen ghy die venus dienaers zijt
Men mach v niet versaden,
Want by des meys virtuyt
Menich cleyn voghelken ruyt,
Sijn sanck is soet om te hooren,
Dies willen wy vruecht oorboren.

Bedrijft solaes ghenuecht ende vruecht
Die bloemkens staen ontloken
Comt met v Liefken buyten des veldes iuecht
Die cruyden staen zeer soet van roken
Sy staen net ende reyn
In t'soete lustelijcke pleyn,
Daer sietmense ieuchdelijck bloeyen,
Door de[s] soete Meys douws bespoeyen

[p. 24]

 

Die Nachtegael singt nacht ende dach

 

Met menich dierken cleyne

 

Want ghy die Venus doet ghewach

 

Vint v ten veldeken reyne, Ende wilt ons comen by

 

O weerde Lieveken ende ghy,

 

En acht gheen nijders bespringhen,

 

Ende helpt ons de Mey in bringhen.

 

 

 

O Venus had ick mijn Liefken alleyn

 

Het zoude mijnder herten lusten,

 

Ende wy tsamen lagen op een beddeken cleyn

 

Daer ick by haer mochte rusten,

 

Ende wy daer speelden moeder naeckt

 

Alsinen de barvoete kinderkens maeckt,

 

So soude ick mijn Liefken ghebruycken

 

Ende in mijn armkens luycken.

 

 

 

Amoreuse lieuekens zijn hier vergaert,

 

Tis een melodye,

 

Als deen ghesichte dander verclaert,

 

Schout alle melancolie,

 

Haer kaecxkens sijn van coluere root,

 

Ende hoe menich versuchten groot,

 

Gheeft elck zijn Liefken int [wese]n:

 

Een soenken van v schoon lief, salt al genesen

 

 

 

Oorlof princesse, Liefken Amoreus,

 

Nu bid ick v om een bede,

 

Neemt desen Mey in danck zeer coragues

 

Ende bewaert hem na reyner sede,

 

Toont ons v ghetrouwe ionste fier,

 

Al onder desen soeten Eglentier

 

Wilt wt den slape ontspringhen

 

Ende helpt ons vrolick singhen.