Een Aemstelredams amoureus lietboeck

Een nieu Liedeken, Op de wijse: het reghende seer en ick wort nat.

Die wijn maect vrolijck ende rijck,
Ick min een Meysken zuyuerlijck
Zoo zuyuerlijck,
Zoo zuyuerlijck van wesen
My dunct ick vint gheen haers gelijck.

Wel aen laet maken ghoede cier
Mijn liefken is niet verre van hier
Niet verre van hier
Niet veer van hier gheseten
Ick ben in duysent vruechde schier.

O Venus gheeft my Paris macht
Dat ick mach rusten eenen nacht
Den eenen nacht,
Den eenen nacht aen dander
In haren blancken armen sacht.

Princes als ghy wat ghoets verbreyt
Bedryf ick niet dan vrolijckheyt
Dan vrolijckheyt
Dan vrolijckheyt moet wijcken
Als v Jonck hert truerich schreyt.