Een Aemstelredams amoureus lietboeck(1589)–Anoniem Een Aemstelredams amoureus lietboeck– Auteursrechtvrij Vorige Volgende Een nieu Amoreus Liedeken. Daer ick lach en sliep In een Prieel van bloemen Daer bestonde my te dromen, Dat ick bedreef coragie, Mijn docht ick waer ghecomen, Met mijn lief wt ghenomen Door menichte van bomen Stonden in een boschagie, Daer hoorde ick yet lanck So soeten voghelen zanck, Zy songhen om prijs en danck Dat het in den Hemel clanck Copiere Nachtegale Die quamen daer alle te male, Coddenaertiens en robaertiens [pagina 21] [p. 21] Quamen daer int ghemeen Aexters ende craeyen, Coeckoecken en Papegaeyen. Die quamen haer daer vermeyen, Noyt mijn daghen quam ick in genoechlicker pleyn. Daer stonden alle vruchten Appelen van granaten, Naghelen nueten muscaten, Daer ginghen wy legghen en rusten Het roocker wter maten, Al na die muscheliaten. Oock mede wy wat aten, Al wat ons hert mocht lusten, Pijpkaneel planteyt, Die was ons daer bereyt, En alle soeticheyt, Die was ons daer bereyt, Daer ghinghen wy spancieren, Wy ghenoechelicke dieren Wy kondent niet vercieren, Wat mijn lief en ick daer bedreef, Vernaemt die nijders tonghe, Zy haddent wel haest ghesongen Van ons twe Venus jongen, Maer twas best dat het verholen bleef Pauwen en Pauwinnen Die quamen daer by paren, Pytoren en Lepelaren Quamen op malcander druysen Noch sachmen daer vergharen Veel quacken en Ouweuaren, Voghelghrypen die daer waren En oock veel voghel struysen Den uyl den lelicken snuyf Vloegh den Kievit op zijn kuyf Den Valck met zijn huyf Vloegh na den Tortelduyf, Oock quamen daer hanen Veel Reyghers ende Kranen, Den Arent die sadt hoochst Die spande daer die croon Dat heeft den Reygher ghespeten Dat hy was hooch gheseten, [pagina 22] [p. 22] Die had hem gharen ghebeten Maer int lest so creech hy zijn loon. Princesse princesse Ghy zijt zeer suyuerlijcke Bouen yemant op aerdrijcke, Hoe zoude ick v connen begheuen? Al in dat Lant van Griecken Waer vintmen ws ghelijcken Ick en sal v niet beswijcken Daer en mach gheen schoonder leuen, Al quam daer present Lucretia excellent Thisbe zeer schoon ende eloquent Gheen schoonder lief ghekent Media die schone Ghelijck v niet een bone Int hert spant ghy de crone Venus ende Paris hadden Juno ghenoot Bouen alle Goddinnen Staet ghy na mijnen sinnen Mijn lief ghetrouw Blijf ick tot inder doot. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij