Een Aemstelredams amoureus lietboeck

Een nieu Liedeken, Op die wijse: Moet ick altijt trueren.

Alle mijn Jonck leuen
Dat heeft my nu begheuen
Al tot een aerdich Meysken
Seer hubsch en schoon
Al waer zy my ghegheuen,
Wat lach daer aen bedreuen
Want wy twee zijn beyde van eenen doen,
Al in mijn Hart spant zy die Croon
Sy is van verwen also schoon
Seer suyuer van Persoon.

Mocht zy my eens ghebeuren
So waer ghedaen mijn trueren.
Want zy staet so vast in mijn harte geprent
Die quade nyders cueren
Belettent t'aller uren
Dat ick niet mach comen
Al by die Liefste omtrent
O Vennus v soete strael nu went
Op dat ick mach crijghen consent
Al van die Liefste jent.

Ick sprack Lief wilt my trouwen
Ten sal v niet berouwen
Sy geloofdet my op eenen morgen stont,
Aen haer wil ick my houwen
Verlaten ander Vrouwen
En cussen die alderliefste voor haren roder Mont
Haer keelken wit, Haer Borstkens ront,

[p. 7]

 

Haer ghele cruys Hayr,

 

Haer lachende Mont

 

Maeckt mijn ionghe harte ghesont.

 

 

 

Schoon Lief ick moet v claghen,

 

Ick en cant niet langher verdraghen

 

Soete weerde Lieueken

 

Gheeft mijn doch goeden raet

 

Ick acht op vrienden noch op magen

 

Noch op des goets behaghen

 

Want mijn sinnekens alleen op v staet

 

Ick bid v Lief vroech ende spaet

 

Schout alle nyders tonghen quaet

 

Want zy maecken mijn sinnekens desperaet

 

 

 

Spijt alle nyders deeren

 

Mijn soete Lief wil ick eeren

 

Want zy can my helpen wt mijn verdriet

 

Sy ginck my consenteren

 

Doen wy twee ginghen spanceren

 

En songhen doe te samen

 

Een vrolick nieuwe Liet

 

Die voeghelen sanck waer daer niet

 

By mijns schoon Lieuekens verwerven siet

 

Doe zy my tot haer liet.

 

 

 

Mocht ick van haer verweruen

 

Haer trou tot eener eruen

 

Datse my beminde, Al met gantser vlijt

 

Die liefde moet ick deruen

 

Van rou so moet ick steruen

 

Want daer zijn soo veele die my om haer beurijt

 

Mocht ick eens zijn met haer int strijt

 

Ick songhe een een Liet, wie dat bespijt

 

Wat is daer aen misseyt.

 

 

 

Princesse Lief ghepresen

 

Mocht ick v dienaer wesen

 

Mocht ick alleyn v dienaer zijn

 

Ghy zijt mijn wt-ghelesen

 

My dunct ten mach niet wesen

 

Dat mercke ick soete Lieueken

 

Wel aen v claer aenschijn

 

Gout Siluer Perlen fijn,

 

Wat salt ten Jongsten daghe zijn

 

Ghy vervreucht dat Jonghe harte mijn.