Souterliedekens
(1540)–Willem van Zuylen van Nyevelt–
Auteursrechtvrij§ Den .C.xij. psalm Laudate pueri Dominum. Na die wise Het is goet pays goet vrede, in allen sheeren landen Alleluya. GHi kinder loeft den Heere Ga naar margenoot+
Sinen naem tot allen stonden
Gheeft dancbaerheyt end eere
Sijn lof wilt hier ver-
| |
[Folio Q8r]
| |
 monden
Wilt hier vermonden, en prisen dach en nacht:
Wilt hier vermonden, en prisen dach en nacht.
Ghebenedijt, ghepresen, Ga naar margenoot+
Sinen naem vol melodyen
Op aerden hier moet wesen
Nv, en tot allen tyen
Tot allen tyen, gheloeft moet hi hier zijn
Uan daer die Son moet risen Ga naar margenoot+
Tot daer si weder moet dalen
Gods naem is seer te prisen
Dus wilt zijn lof verhalen
Sijn lof verhalen, op aerden cleyn en groot.
Bouen der Heydens nacy Ga naar margenoot+
Die Heer is hooch verheuen
Bouen des hemels spacy
Sijn glory is hooch ghebleuen
Is hooch ghebleuen, zijn groote mogentheyt
Wie is God te ghelijcken Ga naar margenoot+
Die woont ter hoogher steden?
Want hy wel can bekijcken
Den cleynen al hier beneden
Al hier beneden, siet hi den sinen aen.
Den cleynen, en den armen. Ga naar margenoot+
Wt dat stof can hy verwecken
En vanden dreck bescharmen
Daer wt hy canse trecken
Hy canse trecken, alle die zijn woort bemint.
| |
[Folio Q8v]
| |
Dat hy hem mach vergaren Ga naar margenoot+
En by zijn princen voeghen
Den princen zijn dienaren
Dat hi hem mocht benoeghen
Hem mocht benoegen, van Gods genade goet
God laet het huys bewonen Ga naar margenoot+
Haer die niet en plach te baren
Als een moeder vanden sonen
Laet hy haer vruecht verclaren
Haer vruecht verclaren, want si hem seer behaecht
|
|