Souterliedekens
(1540)–Willem van Zuylen van Nyevelt–
Auteursrechtvrij§ Den .lxxx. psalm Exultate Deo adiutori. Nae die wise Nv wilt doch na mi horen, die wel wil zijn bemint. MEt vruechden wilt God louen
Die ons wel helpen mach
Den Heer hier bouen
Wilt doch eeren al den dach
Met psalmen ende sanc
Sijn naem wilt lof bewisen
Doer snaren gheclanc
Met harpen wilt hem prisen.
| |
[Folio M2v]
| |
Wilt blasen v trompetten Ga naar margenoot+
Als coemt die nyeuwe maen
Wilt daer op letten
Wat v God al heeft ghedaen.
God heeft in Israhel Ga naar margenoot+
Sijn wercken hooch beuolen
Datmen altijt sel
Die prisen, onuerholen.
God heeft tot een ghehoeghen Ga naar margenoot+
In Ioseph dit ghebracht
Dat hy nae zijn vermoeghen
Dit hieldt in zijn ghedacht
Doen hi hem wt dat lant
Al van Egipten stelden
Hem was onbekant
Die spraeck die si vermelden.
God heeftse willen vryen Ga naar margenoot+
Al van haer banden fel
Doen si doer slauernyen
Leden een swaer ghequel Ga naar margenoot+
God sprack, ick hebt ghehoort
Als ghi my hebt ghebeden
Als ghi waert verstoort
En droefheyt hebt gheleden
Doen ghy wout murmureren Ga naar margenoot+
Heb ick v wel bekent
Nv hoort mijn protesteren Ga naar margenoot+
Mijn woert seer excellent.
Yst dat ghi mijn ghebode
Wilt altijt vast behouwen
Eenen vreemden Godt
En sult ghi niet betrouwen.
Ick ben v God, die Heere Ga naar margenoot+
Die wt Egipten lant
V bracht, met grooter eere
| |
[Folio M3r]
| |
Dit in v herte plant.
Daer om doet op v mont Ga naar margenoot+
Bidt my, ic salt v schencken
Maer tot gheender stont
En wouden sy dat bedencken.
Daer om liet icxse driuen Ga naar margenoot+
Al nae haers herten gront
En lietse alle bliuen
En loopen in haren vont.
Hadden sy my verstaen Ga naar margenoot+
En ghewandelt in mijn weghen
So waren si vergaen Ga naar margenoot+
Die haer te quellen pleghen.
Al die den Heer seer haten Ga naar margenoot+
Hebben gheloghen siet
Die Heer sal haer verlaten
Eewich al int verdriet.
God wou met honich soet Ga naar margenoot+
Den sinen hier verfraeyen
En met alle goet
Doer zijn goetheyt versaeyen.
|
|