Souterliedekens
(1540)–Willem van Zuylen van Nyevelt–
Auteursrechtvrij§ Den .lxiiij psalm Te decet hymnus Deus. Na de wise. Die rijm en schaet der bloemen niet, al daer die son IN Syon God betaemt v lof Ga naar margenoot+
Men sal te Ierusalem
Betalen daer v eer coemt of
Verhooren wilt mijn stem. Ga naar margenoot+
Hoort ons ghebet op dese reysch
Tot v coemt alle vleysch.
Al yst dat hier te bouen gaet Ga naar margenoot+
In ons, der boosen woort.
Wilt ons vergheuen dees misdaet
O Heer weest niet ghestoort.
Salich is hy dyen ghi ontfangt, Ga naar margenoot+
V die altoos aen hangt.
O Heer wij sullen uwe vruecht Ga naar margenoot+
Ghenieten van uwer ste.
Vwen tempel vol van alle duecht
Is wonderlijcken me.
Vol van alle gherechticheyt
| |
[Folio I5v]
| |
Die ghi ons hebt bereyt.
Uerhoort ons sondaers al ghelijck Ga naar margenoot+
Ghi die salicheyt gheeft
Ghi zijt die hope vant aertsche rijck
Ons troost, daert al bi leeft
Die berghen maect ghi alst v past Ga naar margenoot+
Met uwer crachten vast.
Die zee hebt ghi verstoort o Heer Ga naar margenoot+
Wie hoort gaern haer gheruys
Die menschen zijn verbaest soe seer Ga naar margenoot+
Vol vreesen met confuys
Ghi zijt van westen tot dat oost.
Den menschen haren troost
Dat aertrijck ghi so visiteert Ga naar margenoot+
Al met v gauen reyn
Haer water hebt ghi so vermeert Ga naar margenoot+
Ghi spijstse al ghemeyn
Ghi maect dat alle dinck wel groet
Van v coemt alle goet.
Bedaut des ackers voren, Ga naar margenoot+
Maect slecht haer cluyten al.
Al die worden gheboren
Vwen reghen verbliden sal.
Van v coemt alle vrucht voerwaer
Ghi croont dat heele iaer.
Dat iaer sult ghi verchieren Ga naar margenoot+
Dat iaer van v ghenaey
V velden suldy toe stieren
Veel vruchten schoon en fraey
Die schoone bosschen worden vet Ga naar margenoot+
Die berghen ligghen net.
Met schapen is becleet dat velt Ga naar margenoot+
Die dalen brenghen voort
Veel korens: want si zijn wel ghestelt
En singhen met accoort
| |
[Folio I6r]
| |
Gods lof, ende prisen zijn virtuyt
Al en slaen si gheen gheluyt.
|
|