Souterliedekens
(1540)–Willem van Zuylen van Nyevelt–
Auteursrechtvrij§ Den .liij. psalm Deus in nomine tuo Na die wise Wat sullen wij gaen beghinnen, wij ghilden al ghemeyn. O Heere wilt mi behouwen
V naem die roep ick aen
Wilt ghi doer dine trouwe
Die wraec voer mi ontfaen.
Wilt hooren o Heer mijn verlanghen Ga naar margenoot+
Als ick ben int ghebet
Mijn woerden wilt ontfanghen
Ick bid v, daer op let.
Die vreemden die God niet en achten Ga naar margenoot+
Die vielen teghens my
| |
[Folio H3v]
| |
Mijn siel met haerder crachten
Te crencken, sochten sij.
Maer siet, onse Heer quam te baten Ga naar margenoot+
My: eer ick tonder viel.
Hy en heeft mi niet verlaten
Mijn hulper van mijn siel
Het quaet wilt mijn vyanden voeghen Ga naar margenoot+
Wilt straffen haer ghewelt
Dat sij mi hier toe droeghen
Laet haer toch zijn geuelt
Wt vryer begheerten, en moede, Ga naar margenoot+
Sal ick uwen hooghen naem
Louen: want hi is goede
Dies ick my niet en schaem.
Ghi troct mi wt mijn tribulacy Ga naar margenoot+
Ende wt der boosen hant
Ick sach Heer doer v gracy
Mijn wil, van mijn vyant.
|
|