Souterliedekens
(1540)–Willem van Zuylen van Nyevelt–
Auteursrechtvrij§ Den .xli. psalm. Quemadmodum desiderat ceruus. Na de wise Tyrannich werck vol archs ghedronghen. REcht als een hert langt nae een fonteyne Ga naar margenoot+
So dor
| |
[Folio F8v]
| |
 stet mijn siele o Heere God na dy
Tot minen God dorst mijn siel alleyne Ga naar margenoot+
Wanneer soe sal ic comen v tegenwoerdich bij
Mijn tranen waren een spijs voer my
Dat seg ic vry
Als sy haer spot met mi bedreuen
Sij spraken, waer is nv dijn God ghebleuen?
Wanneer mi dit quam in mijn ghedachten Ga naar margenoot+
Doen heb ick mijn siele gansselijck wt gheleyt
Want ick gaern sou met ghelijcker vrachten
Gaen varen ter plecken daermen gods eer verbreyt
Recht alsmen eenich feest bereyt
Doer vrolijckheyt
En met deuotelijcke sanghen Ga naar margenoot+
Den Heere te louen, is mijn verlanghen.
Mijn siel waer om wilt ghi truerich wesen? Ga naar margenoot+
Wat pordt v dus seere te stooren therte mijn?
V hoep laet zijn tot den Heere gheresen Ga naar margenoot+
Ick sal hem beliden, end altijt dancbaer zijn
Die salicheyt tot allen termijn
Van mijn aenschijn
Sijn naem is wonderlijcken crachtich
Mijn God, en mijn vader is hi warachtich.
Mijn siel wil mi doer die droefheyt crencken Ga naar margenoot+
Daer om wil ic v wercken o Heere God verslaen
Van Hermons berch so wil ic ws ghedencken
| |
[Folio G1r]
| |
Al dat ghi ons bewesen hebt bi die Iordaen
Die diepte roept die diepte aen Ga naar margenoot+
Hoort dit vermaen
My oueruallen uwe vloeden Ga naar margenoot+
Och Heere mijn vader, wilt mi behoeden.
Op sulcken dach heeft my God beuolen Ga naar margenoot+
Dat ick zijn ghenaden altijt hier prisen moet
Ende als ick snachts ligghe droeflijck verholen
Dat ic hem sou singhen een liet, van woerden goet
Ick sal hem bidden met allen spoet Ga naar margenoot+
Heere my behoet
Die droefheyt heeft my seer beuanghen
Ghi zijt mijn verlosser, wilt my ontfanghen.
Waer om hebt ghi mi so heel vergheten? Ga naar margenoot+
Dat my is toe gheuallen een also swaren lot
Als mijn ghebeent wort droeflijc ghesmeten Ga naar margenoot+
End als my die boose houden voer een sot.
Als sij my vraghen doer haren spot Ga naar margenoot+
Waer is v Godt?
O siel waer om wilt ghi dus trueren?
Betroudt: ick sal hem louen tot allen vren. Ga naar margenoot+
|
|