Souterliedekens
(1540)–Willem van Zuylen van Nyevelt–
Auteursrechtvrij
[Folio D2v]
| |
 sal mi ontbreken
Hy mi ten velde heeft ghekeert
By lustighe water beken
Heeft mi gheuoet: mijn siel behoet
Bekeert doer zijn ghenaden
Gheleyt met spoet Doer zijn name goet
Op zijn gherechte paden.
Al ghinck ick midden in die doot Ga naar margenoot+
Gheen quaet en sal ick vresen
Want ghi mijn God, mijn Heere groot,
Met mi altijt wilt wesen.
My maecte fier en trooste hier Ga naar margenoot+
V staf, end oock v roede
In mijn dangier, doer v bestier
Sij troosten mijn ghemoede.
Ghi hebt een tafel toe bereyt Ga naar margenoot+
En dat voer mijn ooghen
Teghens die my met vinnicheyt
Quellen sonder medooghen.
En met oly, vet maecte ghy Ga naar margenoot+
Mijn hooft: doer op gheschoncken
Mijn beker vry, vernaemt is hy,
Die can my maken droncken.
End v bermherticheyt certeyn Ga naar margenoot+
Sal mi volghen, gheleyden,
Mijns leuens daghen al ghemeyn
| |
[Folio D3r]
| |
Sal si niet van my scheyden:
Op dat ick woon in Sheeren throon Ga naar margenoot+
By hem nae zijn behaghen.
Hier bouen schoon bi den Gods soon
In lancheyden der daghen.
|
|
