Souterliedekens
(1540)–Willem van Zuylen van Nyevelt–
Auteursrechtvrij§ Den eersten psalm Beatus vir qui non abijt. Nae die wise Het was een clercxken, dat ghinck ter scholen. SAlich is die man, en goet gheheeten Ga naar margenoot+
Die tot den bosen niet en gaet
Noch bi den spotters is gheseten
| |
[Folio A5r]
| |
 Die in haer weghen niet en staet.
Maer in die wet van God den Heere Ga naar margenoot+
Stelt sinen wille dach ende nacht.
Ende op zijn wet ghedencket seere
Sal worden als een boom gheacht
Ghelijck een boom bi der riuieren Ga naar margenoot+
Sijn vruchten gheeft tot zijnder tijt
Soe sal certeyn in alle manieren
Dees man oock zijn ghebenedijt.
Een blat en sal niet moghen dalen Ga naar margenoot+
Van desen boom (dit wel versint)
Gheluck en voerspoet sal hi halen
Al wat hy opter aerden beghint.
Mer dit en sal niet mogen gheboren Ga naar margenoot+
Den boosen die Gods woort verschuyft
God sal hem vander aerden verschoren
Ghelijck die wint dat sant verstuyft.
Daer om sij en sullen bi den goeden Ga naar margenoot+
Noch in dat oerdeel blijuen staen
Hier af soe wil ons God behoeden
Beschermen, en niet van ons gaen.
Want God bekent haren wech, en leuen Ga naar margenoot+
Al die de duecht hantieren fijn
Maer die de boosheyt hier aencleuen.
Haren wech die sal verloren zijn.
|
|