Poëmata

[p. 223]

Nobilissimo et amplissimo viro D. Ivsto de Blitterswyck regiae maiestatis Consiliario, & sacri in Belgio Aerarij Praefecto fiscali

Domino & Patrono suo.

NAutis hoc vulgare est, Nobilissime Domine, vt dum mari se credunt polaris stellae ductum, & radios obseruent, ne dum temere fortè fluctuant, vel à portu penitus aberrent, vel eum non nisi tardè & summâ cum difficultate assequantur. Idem quoque mihi faciendum video; quam varia enim in hoc poëtices mari pericula sint, tam

[p. 224]

frequentia multorum naufragia testantur; quos vel Circes obscoenitas, vel Scyllae auaritia à rectae rationis cursu semotos turpiter fefellerunt. Id mihi ne contingat in polum te eligo, quem & iudicij candor fallere, & prodigiosum illud, omnibusq́ue naturae dotibus instrucutm ingenium falli non permittet. Si concedis cliens tuus ero & vates, Tu mihi Phoebus & Patronus. Vale Bruxellis ex nostro Coll. 13. Kal. Iun. 1623.

Nob.^ma D.V. seruus in Christo

F. Iacobus Zeuecotius Aug.