Poëmata

[p. 63]

Argvmentvm ex epistola Clarissimi viri Erycii Pvteani I.V.D. et regii professoris ad Authorem.

NVper Rosimundam tuam accepi, munus omnibus gratiis stipatum. Sic te scribere! ostendis profecto, & nostro hoc sterili elegantiarum saeculo, extendi tragica aulaea posse: ostendis, nihil arduum deinceps aut ingenio tuo aut stilo futurum. Mihi vero semper dignum cothurno hoc argumentum visum est, in quo quantum sceleris, tantum ingenij & admirationis. Breuiter: quicquid regina ausa est, scribendi felicitate superasti: ampliusq́ue drama hoc tuum habet, quam rapere adultera fugiens potuit. Thesauros rapuit: sed tua quot verba, tot gemmae sunt; quot pagellae tot gazae. (Et infra) Historiam meam insubricam, an barbaricá potius dicam? vidisti? libro II. vbi de Longobardis, haec imago est: Alboinus, cum rebus firmatis

[p. 64]

nullius hostis arma timeret, coniugis Rosimundae scelere periit. Irae caussa: è cranio patris, marito propinante biberat; adeoque contumeliae impatiens fuit, vt adulterij fraude vindictam quaerens, moechum & parricidam mox admiserit coniugem, tam libidine audax quam caede nefaria. Sed quae incesti matrimonij fides! Rauennam cum coniuge & thesauro regio profecta, cum ad tertias nouo scelere adspiraret nuptias, à Longino Exarcho amari coepta, cruento propemodum adhuc marito infectum veneno poculum porrigit, è quo & ipsa coacta bibere, puniuit facinus qoud commiserat, &c. Vale Louani in arce prid. Non. quinctil. cIɔ. Iɔc. XXI.

Personae.

Vmbra Cunimundi.	Satellites.
Rosimunda.	Vmbra Alboini.
Diletta.	Longinus.
Helmiges.	Senex.
Nobilis.	Chorus.