Rever. Patri P. Iacobo Zevecotio Avgvstiniano.
TEr faustum te Ganda tonat Zeuecote Poëtam,
Dum tua metra legit[...]te super astra vehit.
Cur quaeso? doctas illic tibi laurea serta
Pieridum turmas imposuisse refert.
O vates quantum Clario de fonte bibisti!
Ipsa stupens quantum lingua referre nequit.
Haec tua metra docent ob quae te cuncta vetustas
Te vatum primum dicet habere locum.
Zoilus haec quamuis mordaci dente reuellat,
Attamen auctoris fama perennis erit
Viue diu soboles Phoebi celeberrima frater
Aonidum, aeternos viue Poëta dies.
Albertus van Coubergher in coll.
D.P. Aug. Bruxellis Rhetor.
Auteursrechtvrij