Borgerliicke Huyshouding

[fol.  B1r]

L. Zasy. Borgherlycke Huys-houdingh.

Eerste Handelingh. Eerste uytkomste.

Roel.

Roel.

Waer mach doch onse May Almanacks zijn gheloopen?
Ic waen sy hier of daer haer Ctaphout gaet vercoopen.
Nu verkalt sy den tijt; flus sal sy loopen, dat
Haer aengesichte sy als een geslaghen aers-gat.
En sal ons vry veel nieuws int cort cunnen verhalen,
Maer tgheen haer teghen gaet verswijgen alte malen.
Zy weet, al wat gheschiet op Waghen, Schuyt of Straet,
En wie voorby passeert by haer een Vere laet.
Zy hoort, sy siet, sy vraeght, verneemt na alle saken,
Maer dit’s het best ’sen sal niemant lichtlick swart maken.
Zy versuymt wel haer tijdt somtijts, soo hier als daer.
Maer rept haer handen weer lustich, soo voor als naer.
Goet ront, goet zeeuws is sy: vrypostigh hupsch int praten,
Maer sal haer kleeren kout niet eens aenroeren laten.
Al watmenhaer voorwerpt, sy met een praetien boet,
Maer meenge Meyt, die selfs het werck veel liever doet.