Triumphus Cupidinis. Encomium matrimonii. Nederlantsche poëmata
(1628)–Joan Ysermans–
Auteursrechtvrij
[pagina 142]
| |
Sonet.
WAt vvreet? vvat grausaem quaet, spruyt vvt de Ialosy?
Ga naar margenoot+ De Suster vande niit, die knaeght, haer eyghen herte,
Die inde leden baert, een ongheneesbaer smerte:
T'is een teirende vier, een helsche raserny.
O Theodosium moest hare heerschappy?
Moest heerschen ouer u, Erebus dochter svverte?
Moest sy in u ghemoet, oock spelen soo haer perte?
Dat ghy Atheneas, onschuldich dreeft van dy?
Ieloers heyt altiit droef, vervremt van alle vreuchden
Is moeder van den tvvist, en vyandin der deuchden,
Sy volght haer d'vvaes vernuft, sy is gheveyst ontrouvv.
Maer als sy siet dat sy, haer seluen vint bedroghen
En dat t'vermoeden vals is onvvaer, en gheloghen
Dat volght leet-vvesen naer, met al te spaey berouvv.
FINIS. |
|