Van wonden in den nieren.
Alse een mensche es ghewont in den nieren die can der of niet ghenesen want het siin droghe harde leden com(?) mager ende si sceiden die urine dat hem comt toe van den lever ende al eist dat is doot wonde nochtan selmen hem goet hant werc [doen?] ende gheven hem goeden dranc suverende ende heelende maer si werden selven wel ghenesen ende die wonde salmen van buten ghenesen alse ander wonden in den buuc ghelijc dat jou vorleert es van den wijsen mesters van Cirugie ende medicus.