Cyrurgie

Van der beeten ofte steken der ruthelen.

Ende men sal weten alse een man es ghebeten ofte ghesteken van der rutelen. int erste men sal gaen in een badt ofte men sel dat ledt baien daer die steke in is. ¶ Een ander. men sel dat ledt graven ofte bewinden met sande ofte der op legghen heete asschen.

¶ Een ander. nemt manipulum .j. nigelle. sencen. apij .½. misceantur et fiat pulvis ende dat leght der op Ende jeghen punctuere der bien ofte vespen. Die puntuere suldi der mede besalven al ontrint met desen nae volgende salve. ¶ ℞ Bolo armenicum .℥. j aceti vini .℥. ½. olei violarum .Ʒ. ij. miscantur et fiat unguentum Ende eist dat die tanden van den bien in der beten ghebleven is soe behouft dat men dat wriven cum olio violarum. ende wrivet die bete met asschen ende daer naer soe plastert die olie der op ende suveret tote si hute gaen.