Cyrurgie

Cap. 36.
¶ Van de(n) voete v(er)wro(n)gen³⁾.

Sulke lieden hebben den voet verwrongen. niet al uten lede. maer .1. deel ongevoegelijc staende. dicwile laet men dien voet bi roekeloesheiden also bliven staende. dat de gene daerbi blivet manc gaende. Ende dicken gevalt dat dbloet dat ter quetsingen gevallen es. verbernt in hem selven ende verkeert in lingenen⁴⁾. dat hi gefisteleret blijft langen tijt daerna. Waerbi die venine die daer wassen⁺ tusscen den .2. leden verteren die been. zenewen ende adren. ende vleesch. ende werden vele

gaten omtrent den enckel dat⁺ ter fisteleringen uut gaet been som cleine som groet. Sulke meesters seggen ons dat sente-loys-evel es. Actor seit en es niet. hadde hi te tijt vroeden raet gehadt hi ware genesen. dies hi smertte heeft bi siere roekeloesheiden. ¶ Ter steden daer die gaten siin es men sculdech te makene .1. gat met enen scerse so wijt. dat men tasten mach metten vingere hoet binnen es metten bene. Ende dore de wonde geworpen zeele gemaect met linen

3) G: Vanden voete verwronghen.

4) G: in quade.

+ G (14)c.

+ B 146d.

[p. 165]

cledren. te suverne elx dags den ⁺voet bi den zeelen met aysine of met starker logen. te drogene ende te zalvene den voet. coolbladere boven der wonden te leggene ende gebonden alst betaemt. wondendranc te gevene van tide te tide enen lepelvol. telken vermakene. ende dus tachterwaerne tote hi genesen es. ¶ Elc zeel es sculdech te liggene .14. nacht in de wonde of meer jegen dien dattie vulheit groet es ende die quetsinge. Also vele te langer laten liggen daerin. wel te suverne die vulheit van binnen. ende daerna tachterwaerne alsoet vorseit es.

+ G (14)d.