Cyrurgie

Cap. 5.
¶ Va(n) misselike(n) dinge(n) dat⁺ vall(et) i(n) doren. etc.²⁾.

Alse enech dinc valt in die oren. alse coren of stene of dies gelike van andren dingen. so salmen doen ademen enegen vrient van dien zieken in die ore daert in es so dat die ore al nat si gemaect binnen met den lauwen ademe. Ende daerna so hale sinen adem zere in. of tote hem sugende. aldus so sal hi mogen sugen ute dat daer in die ore gevallen es. Of gietet olie van rosen in die ore al warm. eist een kerselsteen of .1. ander steen dat sal die ore maken al glat. Mer eist een tarwen coren of erwete of vitse of bone citri lupini. of ander dinc alse grane. so en gietter niet in die olie. want het souder met te zere wassen bi der wacheit vander oliën. Ende daer⁺ na so nemt .1. lange naelde entie si gevouden alse ene cricke³⁾. Ende de cricke stect in die ore tote dattie cricke of haec leden si den steen. ende dan so keret die naelde so dat die cricke si onder den steen. ende also doet den steen comen treckende opwert ute. ¶ Dits ene ander maniere. Nemt .1. wel slecht stroëlkiin of stoxkijn. ende dat blonc ende slicht ten ende gemaect⁴⁾. ende net dat slicht endekiin vanden stoxkine in terbentine die tay es ende houdende alse lijm. dit so stect in die ore. eist graen of steen. het salre an⁺ cleven. Het staet so onderwilen

+ C 41c.

2) C: Van dat eenich dinc valt in de oere. G: Van steene tande corne die onder tijden vallen int doren.

+ G 89d.

3) In C een grove schets; in G: langhe naelde ende dye zij gevouden ten eynde dair die poynt es aldus: schets van een naald met omgebogen punt.

4) In G een schets.

+ C 41d.

[p. 119]

dat ment niet uut gecrigen en mach. om dat so diepe es daerin gesteken ⁺met onwisen handen. dat men den genen diet heeft in dore moet sniden int hole vander ore met enen scerse. Ende men moet sniden so diepe. datmen die dingen

⁺die in die ore siin mach opwert lichten van onder. mer hieran es grote vrese¹⁾. Nochtans so es beter quaet dan noch arger.

+ G 90a.

+ B 135b.

1) In G een schets van een mes.