Ende waert dat enech mensce ware gequetst int hooft sonder wonde van vleesce. ende hi hadde .1. grote bule ende si ware wel sachte int tasten. of hoe dat ware. so legter op stoppen genet in warmen wine ende daer met .1. luttel souts. ende dat legt optie bule Ga naar margenoot+also warm alse die gequetste mach gedogen. ¶ Ende of die sweringe hier met niet en mach geliggenGa naar voetnoot2) in gere (l: geenre) manieren. so geeft den zieken des avens Ga naar margenoot+spade [ende smorghens L] nuwelen genet in clareite. pillen die men heet cochie [rasis L] tote onder .½. Ʒ. ende doet hem thooft sceren. ende legter op dit plaester gemaect aldus. Speelt goeden wijn ende sout al te stucken gestampt ende alst begint zieden. so hebt te voren gemaket dit pulver ende gestampt elc sonderlinge ende worpter in van elken van desen dingen. nemt .3. Ʒ. ende suvert die backen van lauriers van haren peulen. ende comijn. ende anijs van haren stocken of stalen. ende dese droget in. 1. vat op tfier. ende dan stampet ende maecter af pulver wel cleine in .1. mortier. ¶ Noch .1 ander. Make pulver in .1. mortier van mastike ende van wieroke elcs .1. Ʒ. dit Ga naar margenoot+doet in .1. goedeGa naar voetnoot3) busse so dat niet en cleeft te gadere. dit roeret metten vorseiden pulvere. dat geminct in den wijn. Ende alse dit wel geminct es. so hebt gruus wel cleine gestampt ende gesicht. ende minget daer met so dat niet en si te dicke no te dunne mer wel slecht. Ende dan so doet dat vat van den viere ende doeter in zeem .1. deel ende roeret so dat slecht si. Ende hier af so legt op thooft datter gequetst es also warm alse die zieke mach gedogen. ende bindetGa naar margenoot+ also waerbi dat niet af en mach gaen. ende decket thooft wel ende warm. ende latet also daerop liggen .5. dagen. Ende oft hier met niet en es gelaect of gesaecht. so legt dies gelike vanden selven plaestere vernuut tote dat genesen es. Maer en verporret niet dan van .5. dagen ten. 5. dagen. ¶ Macer seit dat venkel gestampt met aysineGa naar margenoot+ ende geplaestert. dat geneest also gelike. Mer dat en proefdic noyt. Mer dander proefdic dicken
ende menech werf. ende en bedroochGa naar margenoot+ mi noyt Ende dat screef [lancfranc ende L] meester huge van luken Ende het screef meester diederijc die predecare.
Auteursrecht onbekend