'De liederen van Jan I. Diplomatische editie'
(2003)–J.J. Goossens, Frank Willaert–
Auteursrechtelijk beschermd
[pagina 118]
| |
Lied IGa naar margenoot+
Minlich unde guot
hübsch und reiner sinne
ist si und wol gemuot
4[regelnummer]
die ich mit triuwen minne
si ist küniginne
in mines herzen grunt
da si bestet ist inne
8[regelnummer]
nu und ouch zaller stunt
Friuntlich bevangen
hat mich ein roter munt
und zwei liehtiu wangen
12[regelnummer]
da bi ein kele runt
Noch wurde ich gesunt
troste mich diu minnekliche
diu mich hat verwunt
16[regelnummer]
ach genade tugende riche
ich muos sicherliche
sterben in kurzer stunt
mir werde genedekliche
20[regelnummer]
danne iuwer güete kunt
Friuntlich bevangen
[hat mich ein roter munt
und zwei liehtiu wangen
24[regelnummer]
da bi ein kele runt]
Liehtiu ougen klar
minneklich ein lieblich kinne
tuont mich sorgen bar
28[regelnummer]
ach genade küniginne
in sender not ich brinne
nach iuch in aller stunt
helft mir das ich gewinne
32[regelnummer]
trost miner selden funt
Friuntlich bevangen
[hat mich ein roter munt
und zwei liehtiu wangen
36[regelnummer]
da bi ein kele runt]
| |
[pagina 119]
| |
 Afb. 3 Lyriek van hertog Jan. Heidelberg, Universitätsbibliothek, Cod. Pal.Germ. 848, fol. 18v.
|
|