Nieu liedt-boeck ghenaemt Der minnaers harten jacht ofte de Groote Aemstelredamsche rommelzoo
(1627)–Willem Dirckszoon Hooft, Jan Jansz. Starter, Jacob Westerbaen–
AuteursrechtvrijStemme: Laest doen de Goden banqueteerden.
DE Land-lust off t'vermaert ghenoeghen,
Dat meer gheroemt wort dan beleeft,
Heeft sich aen t'geyn eens comen voeghen,
By een die haer ontfanghen heeft,
Sy ried hem aen // gherust te gaen,
Sy ried hem aen // t'ontvlien de woeldery
| |
[pagina 22]
| |
En trock hem d'Amstel int Suyd-Oost verby.
Sijn welbesnoeyde spruyten bloeyden,
En bloncken d'Amstel jeucht int Oogh,
Soo dat een block daer van begloeyden,
En deerste Nimph tot weermin booch,
T'gheviel haer soo // dat sy nu noo,
T'gheviel haer soo, dat sy nu noode souw
Weer sijn een Maecht in plaetse van een Vrouw.
Tgeviel haer soo dat noch een Susje
Beweecht is vande soete min
Die door een Baets-ghesintheyts lusje,
De weermin // heeft ghesoghen in,
Die heden is // in echtenis
Die heden is // in een beloft ghetreen,
K'wensch dat den Hemel haer gheluck verleen.
Eynde. P.G.H. |
|