Omme t'schrickel jaer altijt sonder boeck oft almanack sekerlijck te vinden.
Rekent het Jaer ons Heeren Jesu Christi van vijfthien hondert ende tachentich, stelt aen d' een sijde oft treckt af de vijfthienhondert, blijft v over tachentich, t'selfde ghetal stelt in twee deelen, comt tweemael veertich, wt brenghende twee euen getalen, t'welck beduijt t'Schrickel-Jaer. Item t'Jaer van eenentachentich brenght wt twee ghetalen, elcx van veertich ende een halue beteeckenende d' eerste Jaer nae t'Schrickel-Jaer. Item t'Jaer van tweentachentich brenght wt twee oneffen ghetalen elcx van een ende veertich, ende is tweede Jaer. Item t'Jaer van dryentachentich brength wt twee ghetalen elcx van eenenveertich ende een halue, wesende het derde Jaer nae 't Schrickel-Jaer. Ende t'Jaer vierentachentich brenght wt twee euen ghetalen elcx van twee en veertich, d'welck wederom t'Schrickel-Jaer beteeckent. Dit alle Jaren achtervolghende, is eenen ghewissen ende sekeren regel omme t'Schrickel-Jaer tot allen tyden sonder eenich Boeck te weten.
Auteursrechtelijk beschermd