Rymende uyt-legginghe naer den letterlycken, ver-holen ende sedelycken sin, van de honderd ende vyftigh psalmen van den heylighen koninghlycken propheet David

Lof-sangh van de H. Maeghd ende Moeder Gods Maria,

Alma Redemptoris Mater.
Ghemaeckt van Hermannus Contractus, Religieus van de Orden van den H. Benedictus.
Die ghesonghen word van de Vesperen des Saterdaghs voor den Sondagh van den Advent, tot de Suyveringhe van Maria mede begrepen.
Ghestelt op de stemme: Och! al quam my Truy self vryen.

REynste Maeghd, en soetste Moeder
Van den Heyland en be-hoeder;
Die de deur' des Hemels zyt,
Boven al ghebenedydt.

[p. 195]

 

O Zee-sterre hoogh-ver-heven,

 

Helpt hem, en de hand wilt gheven,

 

Die valt, en soeckt op te staen,

 

Laet hem niet ver-loren gaen!

2.

Ghy die uyt uw lichaem teere

 

Hebt ghebaert den hooghsten Heere,

 

Uwen God, en Vader mê,

 

't Welck natuer ont-stellen dê;

 

Die zyt voor en naer ghebleven

 

Maeghd en Moeder all' uw leven;

 

En van Gabriel ghegroet;

 

De sondaers ghenaede doet.