Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
Auteursrechtvrijop de wijs: Ick ly int hert etc.
Aenmerckt hoe zeer dat ghy doorvliet
Mijn hert van binnen,, wel schoon Goddinne,
Solaes en vreughde wert bespiet,
Wanneer ick sinne,, op de reyn minne,
Die in my heeft gheplant Cupido crachtigh,
Dies mijn der liefden brant
Ontsteeckt aen elcken kant
En maeckt my clachtigh.
Tot u daer hert, sin, en ghemoet
O fleur der vrouwen,, vast op sal bouwen,
Want ghy uyt mijn verjaghen doet
Druck en benouwen,, als ick aenschouwen
Mach u fiere ghelaet, niet om vol-loven,
't Welck in mijn sinne gaet
Den gulden dagheraet
Verde te boven.
'tRuijcken van uwen adem mijn
Vreught doet betoghen,, en u verhoghen
Roosen in uwe wanghen zijn,
| |
[pagina 79]
| |
Met twee bruyn oogen,, die veel vermoghen,
En boven dat verciert met rijcke zeeden
Zijt ghy wel ghemaniert,
En wert van mijn gheviert
Door mins beleeden.
Gheluckigh ick mijn achten sou,
Ja heel verheven,, boven die leven,
So ghy Princes u dienaer trou
Eens quaemt beneven,, om troost te gheven,
Anders moet ick in pijn, en swaer elenden
Door't derreven van dijn
Zeer lieffelijck aenschijn
Mijn leven enden.
VVie kant ontvlien?
Die op deught en eer
Met naerstighe ooghen,, siet,
Vinden haer immermeer
Door begheerte bedroghen niet.
|
|