Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
Auteursrechtvrij
[pagina 52]
| |
VVee my ick mach wel claghen.
Voor al in mijn behaghen
Soo staet een bloeme schoon,
Mijn hert haer jonst wil draghen
Door dat ick haer persoon
Croon,, onder 'shemels troon
Loon,, wacht ick nu idoon.
Jck hoop en twyfel mede
Of zy my oock bemint
Als Hero schoon oock dede
Haer lief, haer man, haer vrint
Jnt,, water door den wint
Vint,, zy hem doot gheschint.
Die sorghe doet my duchten
Maer hope my verblijt,
Dies ick niet meer wil suchten
Want in vrou Venus strijt
Lijt,, geiren 'thert dat vrijt
Spijt,, clappers haet en nijt.
Hoe soud' ick niet aencleven
Dit bloemken openbaer,
Mijn juedigh hert, mijn leven
Dat hanght alleen aen haer
Naer,, God soo ick voorwaer
Maer,, opentlick verclaer.
En haer oock niet te minnen
Js niet in mijnder macht,
Want onder die Godinnen
Soo isse waert gheacht
Cracht,, toontse dagh en nacht
Tracht,, geiren na een dracht.
Princes cost ick u schryven
Mijn hert en mijn ghemoet,
Ghy sout my niet verdryven
Maer helpen met der spoet
Goet,, uyt cupidos gloet
Doet,, dit reyn roosken soet.
Elck kan falen. |
|