Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
AuteursrechtvrijOp de wijs: De Mey ons groente gheeft, etc.
Den winter strangh,, die 't herte bangh
Met veel vreughd dede sluyten
Neemt zynen gangh,, en eer yet langh
Sietmen s'Omers virtuyten.
Want Flora brenght ons nu ten toon
Haer bloemkens veelderleye,
En Phoebus licht dat schijnt zeer schoon
Tot lust in desen Meye.
Op bergh en dal,, in groot ghetal
Hoortmen voghelkens singhen,
Met bly gheschal,, zy overal
Veel vreughde ons toebringhen.
Die weghen ende oock die paen
Gaet Sol ons nu bereyen,
Ghy Minnaers wilt weer buyten gaen
Met u lief inden Meye.
| |
[pagina 19]
| |
Volght Venus raedt,, en vliet om baet
Tot die liefste ghepresen
Want uwen staet,, zeer desolaet
Siende, sals' u ghenesen.
Maer altijt in eeren vroom bout
Acht niet op t' jonstich vleyen
Des vleeschs wellust,, die't hert benout
Ghy crijght troost inden Meye.
Princelicke jeught,, die u nu veught
Een Princes te beminnen,
Maeckt u in deught,, altijt verheught
Ghy sult eens troost ghewinnen.
Na d'aerdsche goet,, noch hooghen moet
Laet u jonck hert niet greyen,
Maer vrede soet,, en vroom ghemoet
Kiest nu in desen Meye.
|
|