Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
AuteursrechtvrijOp de wijse: Laest gingh ick inde Mey spaceren, etc.
Jeught wilt vreught in u doen blijcken
Lustich rustich onbevreest:
Singht en springht wilt retorijcken
En vermaken soo den gheest,
Alles watmen hier verteert
werdt ons vanden waert vereert
Hierom vry, brenght wat by
Maght gheschieden
Op dat alsoo cleyn en groot
| |
[pagina 9]
| |
Nu met my, vrolijck zy,
Na 'tghebieden
Van hün die ons heeft ghenoot.
Schenckt eens om al van de claren
En proeft haer edele kracht,
Droefheydt doet zy haest vervaren,
Wt der minnaren ghedacht,
Zy verheught, die haer in maet
Drincken kan, anders ist quaedt,
Ja fenijn, sout hun zijn,
En zeer schaden.
Hierom tot den sanck ghebruijckt
d' Edle wijn, die zeer fijn
alle daden
Van ghenueght en vreught ontluijckt.
Wijn doet kennisse vernuwen
En oock menich dingh bestaen,
Minnaers doet zy gheensins gruwen
Siende sloot noch ballick aen.
Loerooghskens men door haer schenct
So dat d'een om d'ander denct,
Dies ontsteect, eermen spreect
| |
[pagina 10]
| |
d'Herten gloedich.
Cupido al met zijn schicht
Tijdt ghebreect, schaemte bleeckt
't Aenschijn spoedich
Daer hy soo zijn liefde sticht.
Prince.
Prince boven alle dinghen
Zoo prijs ick de vroukens reyn,
Want zy door haer lieflijck singhen
Vreught voortbringhen hier in't pleyn
Zonder haer, wat sout oock zijn,
't Js wel waer, eel is de wijn,
Maer liefs lust, werdt geblust
door 'taenschouwen
Van een vriendlijck wesen soet,
Dat versust, all' onrust
En benouwen,
Pijn door haer ghenesen moet.
Wie kant ontvlien? |
|