XVc XXXII.
Jn dit jaer, ontrent de maent van Julij, was te Ghendt jn sente Jacobshuus een provengierighe vermoort van eenen Anth. van Loo, vleesschauwer ende vischcoopere, daer zou zelve voestere af gheweest hadde; dese moort was zeer leelic ghedaen met eenen hamere haer den cop jnne ghesleghen ende den hals afghesteken. Ende zekeren tijt daernaer wiert de suspicie up hem ghenomen, zoo dat hij ghevanghen wiert, ende kende het faict, ende was upden XIIII Julij ghecondemneert up een hurde ghesleept te werdene alle de vierweechscheeden ende aldaer allomme ghegheeselt te sijne, ende van ghelijcken jnt voorn. Sente Jacobshuus, daer hij tfaict ghedaen hadde; ende was hem aldaer zijn rechte handt afghesmeten, twelc hij patientelic verdrouch, kennende zijne mesdaet; ende van daer wiert hij ghevoert up de Vrijdachmaerct ende up een schavout aen eenen staecke gheketent ende alsoo levende verberrent, hem
Auteursrecht onbekend