Versamelde gedigte

(1981)–A.G. Visser– rechtenstatus


'n Dosyn waarhede (Vir Ouma moet dit maar 'n bietjie hartlik wees.) Oog is waar die lig in kom, Oor is waar die by in brom, Neus is waar verkoue raak, Mond is waar iets lekker smaak, Hand is waar 'n mens dit voel,
[pagina 287]
Voet is waar die water spoel, Knie is waar 'n mens op bid, Hurk is waar 'n mens op sit, Tong is waar 'n mens mee lees, Hoof is waar die brein moet wees, Wang is waar die laggies troon, Hart is waar die liefde woon.