Dit syn X goede boerden
(1860)–Eelco Verwijs–
Auteursrechtvrij
[pagina 33]
| |
Dmeisken metten sconen vlechtken. VII.Mi doet alte sere verlanghen
Dmeisken dat mi es ontganghen,
Joncfrouwe al vander herten mijn;
In mijn herte soe spandi crone,
5[regelnummer]
Ic plach bi hare te sine ghewoene,
Maer nu moetic van haer sijn.
Si es alte scone een schijn,
Ende si heeft alte scone vlechtken,
Dat clein proper suverlec wechtken!
10[regelnummer]
Si es soe vaste in mi gheplant,
Dat si van mi die overhant
Heeft, soe waer ic henen ben,
Ende sal den tijt die ic leveGa naar voetnoot1);
Ic ben die ghene die mi opgheve
15[regelnummer]
Hare: alsoe steet nu mijn sen,
Bringhet mi bate of ghewenGa naar voetnoot2);
| |
[pagina 34]
| |
Want het heeft so sconen vlechtken,
Dat cleyn proper vriendelec wechtkenGa naar voetnoot1)!
Het hevet die lippen ende danschijn
20[regelnummer]
Roeder dan die rose mach sijn,
Ende die hande smal ende lanc.
Si heeft haer lijf wit als een sneeu,
Haer oghen berren als een leeu,
Hare tande wit met yvore ghemanct.
25[regelnummer]
Het dwanc mi oec aen minen danc
Te sine ewelijc haer dienstknechtken;
Dat cleyn proper graselec wechtken
Het heeft soe sconen vlechtken!
Het es teeder en[de] oec cleine,
30[regelnummer]
Hets die suverlijxte aleine
Dat es, ocht was of wesen sal,
Het is hovesch ende goedertieren,
Si es sedich van manieren,
Ende si es in die siden smal,
35[regelnummer]
Haer borstken ronder dan een bal,
Haer kinnekijn diep als een grechtken:
Dat cleyn proper suverleec wechtken
Het heeft soe sconen vlechtken!
Het es brun te selker steden
40[regelnummer]
Onder die oexselen ende beneden;
Bruun hevet die wijnbrauwen met.
| |
[pagina 35]
| |
Het hevet een puttekijn aen den lichame,
Dorstic noemen sonder blame
Ende sonder hare enech verwet
45[regelnummer]
Te hebbene, ic soude noemen dlet:
Bruun es des kindekens ghemechtken.
Dat cleyn proper vriendelec wechtken
Het heeft soe sconen vlechtken!
Ic moet hare te dienste staen
50[regelnummer]
Ende ewelijc sijn onderdaen,
Soe werwert ic mi bekere;
Want soe sere es mijn sin ghevallen
Opt kindekijn daer wi af callen,
Ic mint vaste in lanc soe mere;
55[regelnummer]
Want aen hare staet mijn lijf ende ere:
Het es oec altoes in mijn gedechtken,
Dat cleyn proper suverleec wechtken,
Het heeft soe sconen vlechtken!
| |
Nota.Desen sproke mi doet alte sere verlanghen. |
|