Dit syn X goede boerden

[p. 23]

Dits vanden tanden. V.

Buten Bruesele soudic varen

Spelen op Morele mijn paert;

Hen ii vandic die vroelijc waren

Neven tslots berghe inden wigaert.

Si speelden daer onder hem tween
Een spel dat wel vremde sceen.

Een Bogaert dede ere baghine

Ene alte grote medicine,

Daer men af sprect in menech lant;
Want hi toech haer ute enen tant.

In wiste niet wat beesten het waren;

Der weert namic minen vaert.

Ene baghine sagic haer baren

Ende op hare enen bogaert.

Si lach stilder dan een steen,
Ende hi wriemelde al in een,
Soe dat hi mi moede dochte in schine.
Hi gaf haer ene descipline;
Doen seide hi te mi: ‘Rijt wech te hant,
Ic trecke haer ute maer enen tant.’

[p. 24]

 

Ic sprac: ‘God moet u bewaren;

 

Van mi en dorfdi niet sijn vervaert,

 

Om mi en dorfdi oec niet sparen,

 

Want ic ben u vrient Mergaert.’

25

Ende emmer lach hi ende green,

 

Ende sprac: ‘Al liggic hier tusschen haer been,

 

Ic hebbe al die meeste pine.

 

Hi ware wel vol van venine,

 

Die aerch hadde in dit samblant:

30

Ic trecke haer ute maer enen tant.’